(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
12.235. అధ్యాయః 235
Mahabharata - Shanti Parva - Chapter Topics
గంగాపులినగతయోః శక్రనారదయోః సమీపంప్రతి శ్రీదేవ్యా ఆగమనం॥ 1॥
శక్రంప్రతి శ్రియా స్వస్య దేత్యేషు నివాసవిప్రవాసయోః కారణీభూతతద్గుణదోషాభిధానం॥ 2॥
Mahabharata - Shanti Parva - Chapter Text

యుధిష్ఠిర ఉవాచ। 12-235-0x(6207)(74757)
పూర్వరూపాణి మే రాజన్పురుషస్య భవిష్యతః।
పరాభవిష్యతశ్చైవ తన్మే బ్రూహి పితామహ॥ 12-235-1(74758)
భీష్మ ఉవాచ। 12-235-2x(6208)
మన ఏవ మనుష్యస్య పూర్వరూపాణి శంసతి।
భవిష్యతశ్చ భద్రం తే తథైవ న భవిష్యతః॥ 12-235-2(74759)
అత్రాప్యుదాహరంతీమమితిహాసం పురాతనం।
శ్రియా శక్రస్య సంవాదం తన్నిబోధ యుధిష్ఠిర॥ 12-235-3(74760)
మహతస్తపసో వ్యష్ట్యా పశ్యఁల్లోకౌ పరావరౌ।
సామాన్యమృషిభిర్గత్వా బ్రహ్మలోకనివాసిభిః॥ 12-235-4(74761)
బ్రహ్మేవామితదీప్తౌజాః శాంతపాప్మా మహాతపాః।
విచచార యథాకాలం త్రిషు లోకేషు నారదః॥ 12-235-5(74762)
కదాచిత్ప్రాతరుత్థాయ పిస్పృక్షుః సలిలం శుచి।
ధ్రువద్వారభవాం గంగాం జగామావతతార చ॥ 12-235-6(74763)
`మేరుపాదోద్భవాం గంగాం నారాయణపదచ్యుతాం।
స వీక్షమాణో హృష్టాత్మా తం దేశమభిజగ్మివాన్॥ 12-235-7(74764)
యం--దేవజవాకీర్ణం సూక్ష్మకాంజనవాలుకం।
గంగాద్వీపం సమాసాద్య నానావృక్షైరలంకృతం॥ 12-235-8(74765)
సాలతాలాశ్వకర్ణానాం చందనానాం చ రాజిభిః।
మండితం వివిధైః పుష్పైర్హంసకారండవాయుతం॥ 12-235-9(74766)
నదీపులినమాసాద్య స్నాత్వా సంతర్ప్య దేవతాః।
జజాప జప్యం ధర్మాత్మా తన్మయత్వేన భాస్వతా॥' 12-235-10(74767)
సహస్రనయనశ్చాపి వజ్రీ శంబరపాకహా।
తస్యా దేవర్షిజుష్టాయాస్తీరమభ్యాజగామ హ॥ 12-235-11(74768)
తావాప్లుత్య యతాత్మానౌ కృతజప్యౌ సమాసతః।
నద్యాః పులినమాసాద్య సూక్ష్మకాంచనవాలుకం॥ 12-235-12(74769)
పుణ్యకర్మభిరాఖ్యాతా దేవర్షికథితాః కథాః।
చక్రతుస్తౌ తథాఽఽసీనౌ మహర్షికథితాస్తథా।
పూర్వవృత్తవ్యతీతాని కథయంతౌ సమాహితౌ॥ 12-235-13(74770)
అద్య భాస్కరముద్యంతం రశ్మిజాలపురస్కృతం।
పూర్ణమండలమాలోక్య తావుత్థాయోపతస్థతుః॥ 12-235-14(74771)
`వివిక్తే పుణ్యదేశే తు రమమాణౌ ముదా యుతౌ।
దదృశాతేఽంతరిక్షే తౌ సూర్యస్యోదయనం ప్రతి॥ 12-235-15(74772)
జ్యోతిర్జ్వాలసమాకీర్ణం జ్యోతిషాం గణమండితం।
అభితస్తూదయంతం తమర్కమర్కమివాపరం॥ 12-235-16(74773)
ఆకాశో దదృశే జ్యోతిరుద్యతార్చిః సమప్రభం।
`అర్కస్య తేజసా తుల్యం తద్భాస్కరసమప్రభం।'
తయోః సమీపం తం ప్రాప్తం ప్రత్యదృశ్యత భారత॥ 12-235-17(74774)
తత్సుపర్ణార్కరచితమాస్థితం వైష్ణవం పదం।
భాభిరప్రతిమం భాతి త్రైలోక్యమవభాసయత్॥ 12-235-18(74775)
`దృష్ట్వా తౌ తు విక్రాంతౌ ప్రాంజలీ సముపాస్థితౌ।
క్రమాత్సంప్రేక్ష్యమాణౌ తౌ విమానం దివ్యమద్భుతం॥ 12-235-19(74776)
తస్మింస్తదా సతీం కాంతాం లోకకాంతాం పరాం శుభాం।
ధాత్రీం లోకస్య రమణీం లోకమాతరమచ్యుతాం॥' 12-235-20(74777)
దివ్యాభిరుపశోభాభిరప్సరోభిః పురస్కృతాం।
బృహతీమంశుమత్ప్రఖ్యాం బృహద్భానోరివార్చిషం॥ 12-235-21(74778)
నక్షత్రకల్పాభరణాం తారాపంక్తిసమస్రజం।
శ్రియం దదృశతుః పద్మాం సాక్షాత్పద్మదలస్థితాం॥ 12-235-22(74779)
సాఽవరుహ్య విమానాగ్రాదంగనానామనుత్తమా।
అభ్యాగచ్ఛంత్రిలోకేశం శక్రం చర్షి చ నారదం॥ 12-235-23(74780)
నారదానుగతః సాక్షాన్మఘవాంస్తాముపాగమత్।
కృతాంజలిపుటో దేవీం నివేద్యాత్మానమాత్మనా॥ 12-235-24(74781)
చక్రే చానుపమాం పూజాం తస్యాశ్చాపి స సర్వంవిత్।
దేవరాజః శ్రియం రాజన్వాక్యం చేదమువాచ హ॥ 12-235-25(74782)
కా త్వం కేన చ కార్యేణ సంప్రాప్తా చారుహాసిని।
కుతశ్చాగంయతే సుభ్రు గంతవ్యం క్వ చ తే శుభే॥ 12-235-26(74783)
శ్రీరువాచ। 12-235-27x(6209)
పుణ్యేషు త్రిషు లోకేషు సర్వే స్థావరజంగమాః।
మమాత్మభావమిచ్ఛంతో యతంతే పరమాత్మనా॥ 12-235-27(74784)
సాఽహం వై పంకజే జాతా సూర్యరశ్మిప్రబోధితే।
భూత్యర్తం సర్వభూతానాం పద్మా శ్రీః పద్మమాలినీ॥ 12-235-28(74785)
అహం లక్ష్మీరహం భూతిః శ్రీశ్చాహం బలసూదన।
అహం శ్రద్ధా చ మేధా చ సన్నతిర్విజితిః స్థితిః॥ 12-235-29(74786)
అహం ధృతిరహం సిద్ధిరహం సంభూతిరేవ చ।
అహం స్వాహా స్వధా చైవ సంస్తుతిర్నియతిః కృతిః॥ 12-235-30(74787)
రాజ్ఞాం విజయమానానాం సేనాగ్నేషు ధ్వజేషు చ।
నివసే ధర్మశీలానాం విషయేషు పురేషు చ॥ 12-235-31(74788)
జితకాశిని శూరే చ సంగ్రామేష్వనివర్తిని।
నివసామి మనుష్యేంద్రే సదైవ బలసూదన॥ 12-235-32(74789)
ధర్మనిత్యే మహాబుద్ధౌ బ్రహ్మణ్యే సత్యవాదిని।
ప్రశ్రితే దానశీలే చ సదైవ నివసాంయహం॥ 12-235-33(74790)
అసురేష్వవసం పూర్వం సత్యధర్మనిబంధనాత్।
విపరీతాంస్తు తాన్బుద్ధ్వా త్వయి వాసమరోచయం॥ 12-235-34(74791)
శక్ర ఉవాచ। 12-235-35x(6210)
కథం వృత్తేషు దైత్యేషు త్వమవాత్సీర్వరానానే।
దృష్ట్వా చ కిమిహాగాస్త్వం హిత్వా దైతేయదానవాన్॥ 12-235-35(74792)
శ్రీరువాచ। 12-235-36x(6211)
స్వధర్మమనుతిష్ఠత్సు ధైర్యాదచలితేషు చ।
స్వర్గమార్గాభిరామేషు సత్వేషు నిరతా హ్యహం॥ 12-235-36(74793)
దానాధ్యయనయజ్ఞేజ్యాపితృదైవతపూజనం।
గురూణామతిథీనాం చ తేషాం నిత్యమవర్తత॥ 12-235-37(74794)
సుసంమృష్టగుహాశ్చాసంజితస్త్రీకా హుతాగ్నయః।
గురుశుశ్రూషకా దాంతా బ్రహ్మణ్యాః సత్యవాదినః॥ 12-235-38(74795)
శ్రద్దధానా జితక్రోధా దానశీలాఽనసూయవః।
భృతపుత్రా భృతామాత్యా భృతదారా హ్యనీర్షవః॥ 12-235-39(74796)
అమర్షేణ న చాన్యోన్యం స్పృహయంతే కదాచన।
న చ జాతూపతప్యంతి ధీరాః పరసమృద్ధిభిః॥ 12-235-40(74797)
దాతారః సంగ్రహీతార ఆర్యాః కరుణవేదినః।
మహాప్రసాదా ఋజవో దృఢభక్తా జితేంద్రియాః॥ 12-235-41(74798)
సంతుష్టభృత్యసచివాః కృతజ్ఞాః ప్రియవాదినః।
యథార్హమానార్థకరా హ్రీనిషేవా యతవ్రతాః॥ 12-235-42(74799)
నిత్యం పర్వసు సుస్నాతాః స్వనులిప్తాః స్వలంకృతాః।
ఉపవాసతపః శీలాః ప్రతీతా బ్రహ్మవాదినః॥ 12-235-43(74800)
నైనానభ్యుదియాత్సూర్యో నైవాస్వప్స్యన్ప్రగేశయాః।
రాత్రౌ దధి చ సక్తూంశ్చ నిత్యమేవ వ్యవర్జయన్॥ 12-235-44(74801)
కాల్యం ఘృతం తు చాన్వీక్ష్య ప్రయతా బ్రహ్మవాదినః।
పంగల్యాన్యపి చాపశ్యన్బ్రహ్మాణాంశ్చాప్యపూజయన్॥ 12-235-45(74802)
సదా హి దదతాం ధర్ంయం సదాచాప్రతిగృహ్ణతాం।
అర్ధం చ రాత్ర్యాః స్వపతాం దివా చాస్వపతాం తథా॥ 12-235-46(74803)
కృపణానాథవృద్ధానాం దుర్బలాతురయోషితాం।
దయాం చ సంవిభాగం చ నిత్యమేవాన్వమోదతాం।
కాలో యాతః సుఖేనైవ ధర్మమార్గే నివర్తతాం॥ 12-235-47(74804)
త్రస్తం విషణ్ణముద్విగ్నం భయార్తం వ్యాధిపీడితం।
హృతస్వం వ్యసనార్తం చ నిత్యమాశ్వాసయంతి తే॥ 12-235-48(74805)
ధర్మమేవానువర్తంతే న హింసంతి పరస్పరం।
అనుకూలాశ్చ కార్యేషు గురువృద్ధోపసేవినః॥ 12-235-49(74806)
పితౄందేవాతిథీంశ్చైవ గురూంశ్చైవాభ్యపూజయన్।
అవశేషాణి చాశ్నంతి నిత్యం సత్యతపోధృతాః॥ 12-235-50(74807)
నైకేఽశ్నంతి సుసంపన్నం న గచ్ఛంతి పరస్త్రియం।
సర్వభూతేష్వవర్తంత యథాఽఽత్మని దయాం ప్రతి॥ 12-235-51(74808)
నైవాకాశే న పశుషు నాయోనౌ చ న పర్వసు।
ఇంద్రియస్య విసర్గం తే రోచయంతి కదాచన॥ 12-235-52(74809)
నిత్యం దానం తథా దాక్ష్యమార్జవం చైవ నిత్యదా।
ఉత్సాహోఽథానహకారః పరమం సౌహృదం క్షమా॥ 12-235-53(74810)
సత్యం దానం తపః శౌచం కారుణ్యం వాగనిష్ఠురా।
మిత్రేషు చానభిద్రోహః సర్వం తేష్వభవత్ప్రభో॥ 12-235-54(74811)
నిద్రా తంద్రీరసంప్రీతిరసూయాఽథానవేక్షితా।
అరతిశ్చ విషాదశ్చ స్పృహా చాప్యవిశన్న తాన్॥ 12-235-55(74812)
సాఽహమేవంగుణేష్వేవ దానవేష్వవసం పురా।
ప్రజాసర్గముపాదాయ యావద్గుణవిపర్యయం॥ 12-235-56(74813)
తతః కాలవిపర్యాసే తేషాం గుణవిపర్యయాత్।
అపశ్యం నిర్గతం ధర్మం కామక్రోధవశాత్మనాం॥ 12-235-57(74814)
సభాసదాం చ వృద్ధానాం సతాం కథయతాం కథాః।
ప్రాహసన్నభ్యసూయంశ్చ సర్వబుద్ధాన్గురూన్పరాన్॥ 12-235-58(74815)
యువానశ్చ సమాసీనా వృద్ధానపి గతాన్సతః।
నాభ్యుత్థానాభివాదాభ్యాం యథాపూర్వమపూజయన్॥ 12-235-59(74816)
వర్తయత్యేవ పితరి పుత్రః ప్రభవతే తథా।
అమిత్రభృత్యతాం ప్రాప్య ఖ్యాపయంత్యనపత్రపాః॥ 12-235-60(74817)
తథా ధర్మాదపేతేన కర్మణా గర్హితేన యే।
మహతః ప్రాప్నువంత్యర్థాంస్తేషాం తత్రాభవత్స్పృహా॥ 12-235-61(74818)
ఉచ్చైశ్చాభ్యవదన్రాత్రౌ నీచైస్తత్రాగ్నిరజ్వలత్।
పుత్రాః పితృనత్యచరన్నార్యశ్చాత్యచరన్పతీన్॥ 12-235-62(74819)
మాతరం పితరం వృద్ధమాచార్యమతిథిం గురుం।
గురుత్వాన్నాభ్యనందంత కుమారాన్నాన్వపాలయన్॥ 12-235-63(74820)
భిక్షాం బలిమదత్త్వా చ స్వయమన్నాని భుంజతే।
అనిష్ట్వాఽసంవిభజ్యాథ పితృదేవాతిథీన్గురూన్॥ 12-235-64(74821)
న శౌచమన్వరుద్ధ్యంత తేషాం సూదజనాస్తథా।
మనసా కర్మణా వాచా భక్ష్యమాసీదనావృతం॥ 12-235-65(74822)
`బాలానాం ప్రేక్షమాణానాం భక్తాన్యశ్నంతి మోహితాః।
ఏకో దాసో భవేత్తేషాం తేషాం దాసీద్వయం తథా॥ 12-235-66(74823)
త్రిగవా దానవాః కేచిచ్చతురోజాస్తథా పరే।
షడశ్వాః సప్తమాతంగాః పంచమాహిషికాః పరే॥ 12-235-67(74824)
రాత్రౌ దధి చ సక్తూంశ్చ నిత్యమేవావివర్జితాః।
అంతర్దశాహే చాశ్నంతి గవాం క్షిరం విచేతనాః॥ 12-235-68(74825)
క్రమదోహం న కుర్వంతి వత్సస్తన్యాని భుంజతే।
అనాథాం కృపణాం భార్యాం ఘ్నంతి నిత్యం శపంతి చ॥ 12-235-69(74826)
శూద్రాన్నపుష్టా విప్రాస్తు నిర్లజ్జాశ్చ భవంత్యుత।
సంకీర్ణాని చ ధాన్యాని నాత్యవేక్షత్కుటుంబినీ॥ 12-235-70(74827)
మార్జారకుక్కుటశ్వానైః క్రీడాం కుర్వంతి మానవాః।
గృహే కంటకినో వృక్షాస్తథా నిష్పావవల్లరీ॥ 12-235-71(74828)
యజ్ఞియాశ్చ తథా వృక్షాస్తేషామాసందురాత్మనాం।
కూపస్నానరతా నిత్యం పర్వమైథునగామినః॥ 12-235-72(74829)
తిలానశ్నంతి రాత్రౌ చ తైలాభ్యక్తాశ్చ శేరతే।
విభీతకకరంజానాం ఛాయామూలనివాసినః॥ 12-235-73(74830)
కరవీరం చ తే పుష్పం ధారయంతి చ మోహితాః।
పద్మబిజాని ఖాదంతి పుష్పం జిఘ్రంతి మోహితాః॥ 12-235-74(74831)
న భోక్ష్యంతి తథా నిత్యం దైత్యాః కాలేన మోహితాః।
నిందంతి స్తవనం విష్ణోస్తస్య నిత్యద్విషో జనాః॥ 12-235-75(74832)
హోమధూమో న తత్రాసీద్వేదఘోషస్తథైవ చ।
యజ్ఞాశ్చ న ప్రవర్తంతే యథాపూర్వం గృహేగృహే॥ 12-235-76(74833)
శిష్యాచార్యక్రమో నాసీత్పుత్రైరాత్మపితుః పితా।
విష్ణుం బ్రహ్మణ్యదేవేశం హిత్వా పాషండమాశ్రితాః॥ 12-235-77(74834)
హవ్యకవ్యవిహీనాశ్చ జ్ఞానాధ్యయనవర్జితాః।
దేవస్వాదానరుచయో బ్రహ్మస్వరుచయస్తథా।
స్తుతిమంగలహీనాని దేవస్థానాని సర్వశః॥' 12-235-78(74835)
విప్రకీర్ణాని ధాన్యాని కాకమూషికభోజనం।
అపావృతం పయోతిష్ఠదుచ్ఛిష్టాశ్చాస్పృశంధృతం॥ 12-235-79(74836)
కుద్దాలం దాత్రపిటకం ప్రకీర్ణం కాంస్యభోజనం।
ద్రవ్యోపకరణం సర్వం నాన్వవైక్షత్కుటుంబినీ॥ 12-235-80(74837)
ప్రాకారాగారవిధ్వంసాన్న స్మ తే ప్రతికుర్వతే।
`క్షుద్రాః సంస్కారహీనాశ్చ నార్యో హ్యుదరపోషణాః॥ 12-235-81(74838)
శౌచాచారపరిభ్రష్టా నిర్లజ్జా భోగవంచితాః।
ఉభాభ్యామేవ పాణిభ్యాం శిరః కండూయనాన్వితాః।
గృహజాలాభిసంస్థానా హ్యాసంస్తత్ర స్త్రియః పునః॥ 12-235-82(74839)
శ్వశ్రూశ్వశురయోర్మధ్యే భర్తారం కృతకం యథా।
ప్రేక్షయంతి చ నిర్లజ్జా నార్యః కులజలక్షణాః॥' 12-235-83(74840)
నాద్రియంతే పశూన్బద్ధ్వా యవసేనోదకేన చ।
బాలానాం ప్రేక్షమాణానాం స్వయం భక్ష్యమభక్షయన్।
తథా భృత్యజనం సర్వమసంతర్ప్య చ దానవాః॥ 12-235-84(74841)
పాయసం కృసరం మాంసమపూపానథ శష్కులీః।
అపాచయన్నాత్మనోఽర్థే వృథా మాంసాన్యభక్షయన్॥ 12-235-85(74842)
ఉత్సూర్యశాయినశ్చాసన్సర్వే చాసన్ప్రగేశయాః।
ఆవృత్తకలహాశ్చాత్ర దివారాత్రం గృహేగృహే॥ 12-235-86(74843)
అనార్యాశ్చార్యమాసీనం పర్యుపాసన్న తత్ర హ।
ఆశ్రమస్థాన్వికర్మస్థాః ప్రాద్విషంత పరస్పరం॥ 12-235-87(74844)
సంకరాశ్చాభ్యవర్తంత న చ శౌచమవర్తత।
యే చ వేదవిదో విప్రా విస్పష్టమనుచశ్చ యే।
నిరంతరవిశేషాస్తే బహుమానావమానయోః॥ 12-235-88(74845)
భావమాభరణం వేషం గతం స్థితమవేక్షితం।
అసేవంత భుజిష్యా వై దుర్జనాచరితం విధిం॥ 12-235-89(74846)
స్త్రియః పురుషవేషేణ పుంసః స్త్రీవేషధారిణః।
క్రీడారతివిహారేషు పరాం ముదమవాప్నువన్॥ 12-235-90(74847)
ప్రభవద్భిః పురా దాయానర్హేభ్యః ప్రతిపాదితాన్।
నాభ్యవర్ంతత నాస్తిక్యాద్వర్తంతః సంభవేష్వపి॥ 12-235-91(74848)
మిత్రేణాభ్యర్థితం ద్రవ్యమర్థీ సంశ్రయతే క్వచిత్।
వాలకోట్యగ్రమాత్రేణ స్వార్థేనాఘ్నత తద్వసు॥ 12-235-92(74849)
పరస్వాదానరుచయో విపణవ్యవహారిణః।
అదృశ్యంతార్యవర్ణషు శృద్రాశ్చాపి తపోధనాః॥ 12-235-93(74850)
అధీయతేఽవ్రతాః కేచిద్వృథా వ్రతమథాపరే।
అశుశ్రూషుర్గురోః శిష్యః కశ్చిచ్ఛిప్యసఖో గురుః॥ 12-235-94(74851)
పితా చైవ జనిత్రీ చ శ్రాంతౌ వృత్తోత్సవావివ।
అప్రభుత్వే స్థితౌ వృద్ధావన్నం ప్రార్థయతః సుతాన్॥ 12-235-95(74852)
తత్ర వేదవిదః ప్రాజ్ఞా గాంభీర్యే సాగరోపమాః।
కృష్యాదిష్వభవన్సక్తా మూర్ఖాః శ్రాద్ధాన్యభుంజత॥ 12-235-96(74853)
ప్రాతః సాయం చ సుప్రశ్నం కల్పనం ప్రేషణక్రియాః।
శిష్యానప్రహితాస్తేషామకుర్వన్గురవశ్చ హ॥ 12-235-97(74854)
శ్వశ్రూశ్వశురయోరగ్రే వధూః ప్రేష్యానశాసత।
అన్వశాసచ్చ భర్తారం సమాహ్వాయాభిజల్పతి॥ 12-235-98(74855)
ప్రయత్నేనాపి చారక్షచ్చిత్తం పుత్రస్య వై పితా।
వ్యభజచ్చాపి సంరంభాద్దుఃఖవాసం తథాఽవసత్॥ 12-235-99(74856)
అగ్నిదాహేన చోరైర్వా రాజభిర్వా హృతం ధనం।
దృష్ట్వా ద్వేషాత్ప్రాహసంత సుహృత్సంభావితా హ్యపి॥ 12-235-100(74857)
కృతఘ్నా నాస్తికాః పాపా గురుదారాభిమర్శినః।
`శ్వశురానుగతాః సర్వే హ్యుత్సృజ్య పితరౌ సుతాః॥ 12-235-101(74858)
స్వకర్మణా చ జాతోఽహమిత్యేవంవాదినస్తథా।'
అభక్ష్యభక్షణరతా నిర్మర్యాదా హతత్విషః॥ 12-235-102(74859)
తేష్వేవమాదీనాచారానాచరత్సు విపర్యయే।
నాహం దేవేంద్ర వత్స్యామి దానవేష్వితి మే మతిః॥ 12-235-103(74860)
తన్మాం స్వయమనుప్రాప్తాభినంద శచీపతే।
త్వయాఽర్చితాం మాం దేవేశ పురో ధాస్యంతి దేవతాః॥ 12-235-104(74861)
యత్రాహం తత్ర మత్కాంతా మద్విశిష్టా మదర్పణాః।
సప్తదేవ్యో జయాష్టభ్యో వాసమేష్యంతి తేఽష్టధా॥ 12-235-105(74862)
ఆశా శ్రద్ధా ధృతిః క్షాంతిర్విజితిః సన్నతిః క్షమా।
అష్టమీ వృత్తిరేతాసాం పురోగా పాకశాసన॥ 12-235-106(74863)
తాశ్చాహం చాసురాంస్త్యక్త్వా యుష్మద్విషయమాగతాః।
త్రిదశేషు నివత్స్యామో ధర్మనిష్ఠాంతరాత్మసు॥ 12-235-107(74864)
ఇత్యుక్తవచనాం దేవీం ప్రీత్యర్థం చ ననందతుః।
నారదశ్చాత్ర దేవర్షిర్వృత్రహంతా చ వాసవః॥ 12-235-108(74865)
తతోఽనలసఖో వాయుః ప్రవవౌ దేవవర్త్మసు।
ఇష్టగంధః సుఖస్పర్శః సర్వేంద్రియసుఖావహః॥ 12-235-109(74866)
శుచౌ చాభ్యర్థితే దేశే త్రిదశాః ప్రాయశః స్థితాః।
లక్ష్మీసహితమాసీనం మఘవంతం దిదృక్షవః॥ 12-235-110(74867)
తతో దివం ప్రాప్య సహస్రలోచనః।
స్త్రియోపపన్నః సుహృదా మహర్షిణా।
రథేన హర్యశ్వయుజా సురర్షభః
సదః సురాణామభిసత్కృతో యయౌ॥ 12-235-111(74868)
అథేంగితం వజ్రధరస్య నారదః
శ్రియశ్చ దేవ్యా మనసా విచారయన్।
శ్రియై శశంసామరదృష్టపౌరుషః
శివేన తత్రాగమనం మహర్షిభిః॥ 12-235-112(74869)
తతోఽమృతం ద్యౌః ప్రవవర్ష భాస్వతీ
పితామహస్యాయతనే స్వయంభువః।
అనాహతా దుందుభయోఽథ నేదిరే
తథా ప్రసన్నాశ్చ దిశశ్చకాశిరే॥ 12-235-113(74870)
యథర్తు సస్యేషు వవర్ష వాసవో
న ధర్మమార్గాద్విచచాల కశ్చన।
అనేకరత్నాకరభూషణా చ భూః
సుఘోషఘోషాశ్చ దివౌకసాం జయే॥ 12-235-114(74871)
క్రియాభిరామా మనుజా మనస్వినో
బభుః శుభే పుణ్యకృతాం పథి స్థితాః।
నరామరాః కిన్నరయక్షరాక్షసాః
సమృద్ధిమంతః సుమనస్వినోఽభవన్॥ 12-235-115(74872)
న జాత్వకాలే కుసుమం కుతః ఫలం
పపాత వృక్షాత్పవనేరితాదపి।
రసప్రదాః కామదుఘాశ్చ ధేనవో
న దారుణా వాగ్విచచార కస్యచిత్॥ 12-235-116(74873)
ఇమాం సపర్యాం సహ సర్వకామదైః
శ్రియాశ్చ శక్రప్రముఖైశ్చ దైవతైః।
పఠంతి యే విప్రసదః సమాగతాః
సమృద్ధకామాః శ్రియమాప్నువంతి తే॥ 12-235-117(74874)
త్వయా కురూణాం వర యత్ప్రచోదితం
భవాభవస్యేహ పరం నిదర్శనం।
తదద్య సర్వం పరికీర్తితం మయా
పరీక్ష్య తత్త్వం పరిగంతుమర్హసి॥ 12-235-118(74875)
`సంస్మృత్య బుద్ధీంద్రియగోచరాతిగం
స్వగోచరే సర్వకృతాలయం తం।
హరిం మహాపాగ్రహరం జనాస్తే
సంస్మృత్య సంపూజ్య విధూతపాపాః॥ 12-235-119(74876)
యమైశ్చ నిత్యం నియమైశ్చ సంయతా
స్తత్వం చ విష్ణోః పరిపశ్యమానాః।
దేవానుసారేణ విముక్తియోగం
తే గాహమానాః పరమాప్నువంతి॥ 12-235-120(74877)
ఏవం రాజేంద్ర సతతం జపహోమపరాయణః।
వాసుదేవపరో నిత్యం జ్ఞానధ్యానపరాయణః॥ 12-235-121(74878)
దానధర్మరతిర్నిత్యం ప్రజాస్త్వం పరిపాలయ।
వాసుదేవపరో నిత్యం జ్ఞానధ్యానపరాయణాన్।
విశేషేణార్చయేథాస్త్వం సతతం పర్యుపాస్వ చ॥' ॥ 12-235-122(74879)

ఇతి శ్రీమన్మహాభారతే శాంతిపర్వణి మోక్షధర్మపర్వణి ప·ంచత్రింశదధికద్విశతతమోఽధ్యాయః॥ 235॥

Mahabharata - Shanti Parva - Chapter Footnotes

12-235-6 భవమౌలిభవాం గంగాం ఇతి ధ. పాఠః॥ 12-235-26 విజితిః స్మృతిః ట.డ. పాఠః॥ 12-235-29 ఇతి ట. డ. ధ. పాఠః॥ 12-235-44 ధైర్యాదుద్ధారితారిషు ఇతి నచాప్యాసన్ప్రగేశయాః ఇతి ధ. పాఠః॥ 12-235-45 కార్యం కృతం చాన్వవేక్ష్య ఇతి ట. పాఠః॥ 12-235-60 మృత్యా భర్త్రంతరం ప్రాప్య ఇతి ట. పాఠః॥ 12-235-80 ప్రకీర్ణం కాంస్యభాజనమితి ఝ. పాఠః॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.